【Now.com】宇宙天團ERROR成軍6週年，宣布事隔兩年再次開演唱會！ERROR將於明年1月25日（六）假會展舉行Live Show《ERROR “WHAT’S GOING WRONG??” 2025》。四子透露將繼續以包羅萬有的現場演出，為「錯粉」獻上爆笑一夜。即睇演唱會售票詳情！
是次演唱會以「What’s going wrong」命名，相信會有ERROR式笑料貫穿全個演出。193（郭嘉駿）指四子已開始準備，更揚言未必有下一次演唱會：「我哋已經進入籌備階段，度晒rundown，12月、1月係全力綵排階段，都呼之欲出係好好睇，因為根據過往經驗，我哋上次個show係2年前，都係爆晒要搶飛，今次搶唔到未必有下次。」點解未必有下次？Poki（吳保錡）就指住Fatboy（梁業）解釋：「因為我哋身體開始不適，同埋我哋有同事有喜啦，有喜之後就要坐月。」Dee（何啟華）也笑說：「都擔心佢要喺現場表演時要表演埋分娩。」Poki說得興起續道：「你見到佢咁大，真係隨時生得，所以今次係一個好大嘅挑戰上台表演。」193則指：「有機會喺演唱會唱唱下穿羊水，所以大家一定要買飛嚟睇。」Poki更笑言：「到時可能會有另一個生命喺度出現，就係台上嘅奇蹟。」
之後，Dee返回認真mode，大爆演唱會rundown：「都可以想像到我哋個演唱會有好多元素包裝，因為𠵱家我哋仲有『死腳膠rock band』，有唱歌跳舞，仲有Talk，大家都鍾意聽我哋『廢噏』，所以會係幾歡樂嘅雜錦騷，個騷都有主題，但主題係咩呢？遲啲再公布。」193亦似是而非的談及今次演出內容：「呢個騷都會講下我哋呢6年嘅變化，真係咩都有，因為大家都唔同咗好多，例如有正常藝人變咗劣質藝人，有瘦仔變肥仔。」
ERROR 四子這2年作了不同嘗試，除了化身暗黑樂隊「死腳膠」大玩重金屬曲風 ，最近推出的新歌《野舞士》更首度挑戰跳唱，令4子在台上演出變得更多元化。想知ERROR四子當晚會表演甚麼，就記得mark低以下搶飛資訊！
《Katch音樂平台呈獻: ERROR “WHAT’S GOING WRONG??” 2025》
日期：2025年1月25日（星期六）
時間：晚上8時15分
地點：香港會議展覽中心Hall 5BC
票價：$1180 / $880 / $680
售票日期︰ 2024年12月13日（星期五）早上10時起
售票連結：快達票
